Wah Kia Jood-o-Karam Hai Shahey Batha Teyra
Nahi(n) Sunta Hee Nahi(n) Maangnay Waala Teyra

Mein Tou Malik Hee Kahoo(n)ga Kay Ho Malik Kay Habeeb
Ya’anee Mehboob-o-Muhib Mei(n) Nahi(n) Meyra Teyra

Teray Qadmo(n) Mei(n) Joe Hai Ghayr Ka Moo(n) Kia Dekhay(n)
Kon Nazro(n) Pe Charr-Hay Dekh Kay Talwa Teyra

Teray Tukro(n) Pey Palay Ghayr Ki Thokar Pey Na Daal
Jhirkiya(n) Khaayei(n) Kaha(n) Chor Kay Sadqa Teyra

Aik Mei(n) Kia Meray Isi’ayan Kee Haqeeqat Kitnee
Mujh Say Sou Laakh Ko Kaafi Hai Ishara Teyra

Farsh Waalay Tery Shaukat Ka U’lu Kya Dekhei(n)
Khusrawa Arsh Pay Urrta Hai Phareyra Teyra

Tery Sarkaar Mei(n) Laata Hai Raza Uss Ko Shafe’e
Joe Meyra Ghaus Hai Aur Laadla Beyta Teyra